SCERIFII

SCERIFII

in Africae Imperio Oattassenis successerunt. Postquam enim ex Merina familia ultimum abdulacum Sceriphius seu Scirifius quidam extinxit, circa A. C. 1480. hic intra annum deiectus est a Said-Abra, ex Oattassenorum familia: quorum potentiâ circa ann. 1500. defectione provinciarum admodum debilitatâ, Ahmed et Muhammed fratres, a praefato Scerisio genus suum atcessentes, regiam sedem Marocci constituerunt; primo tributum pacti a Muhammede Oatazeno, qui Fessae regnavit, mox eô superiores redditi. Et Muhammed quidem, fratre Ahmede mortuô, Oatazenum subiugavit, ultimoque huius familiae Hamede exstincto, Mauritaniae Regnum solus consecutus est. A. C. 1548. Ei successit fil. Abdalla A. C. 1557. quo de vide Thuanum l. 20. Cuius fil. Mahumedes Niger, cum a patruis Melico et Hamede regnis Fezzae et Marocci exutus esset, Sebastianum Lusitaniae Regem ad auxilium ferendum evocavit: sed utrôque in acie caesô A. C. 1578. Hamedes tandem Imperiô potitus est, verum internis Scerifiorum dissidiis ab illo tempore subinde commotô. Quibus durantibus quidam Muley Hamed Ben Abdalla impostor, a Deo se missum iactans, ut a Sceriphiorum tyrannide Africam liberaret, Muley-Sidan Marocci Regem primo quidem vicit acie, mox ab eodem superatus et deletus est, sicque fluctuans hactenus Sceriphiorum familia, sublatô aemulô, restituta. Hunc in regno excepit A. C. 1638. frater Mula Alwalid: quem A. C. 1639. Muhammed Ibben Mula Sidan. Nostris vero temporibus Tafilettae Princeps, victô Geylandô, Imperium hoc sibi subiecit: uti discimus ex Relat. Residentis Angl. in Append. Diarii Europ. Continuat. XIX. Plura autem de regnatrice hac Familia, ex Thuano Hist. l. 7. c. 29. etc. Vide quoque in vocibus Fezza, et Maroccum.